E Davideskoro Psalmi

¹Blaženo tano o manuš koj na džala pali godi e bilačhengiri, hem na tergjola ko drumo e grešnikongoro, hem na bešela ko than ko okola ki hajgara so lena;

²nego i vojlja tani leskiri e Gospodareske ko Zakoni hem baši Oleskoro Zakoni razmislinela dive hem i rat;

³ovi tano sar kaš sadimo uzo pani so nakhela, so anela plodi ko plo vreme; oleskere listia nikogaš na šukjona; sa so kjerela, ko sa uspejnela.

⁴O bilačhe nae tane asavke, ola tane sar šuke pračke taro giv, so i bavlal raznesinelalen.

⁵Odoleske o bilačhe nae te izdržinen ko sudo, nitu o grešnikja ko sobranie e pravednikongoro.

⁶Soske o Gospodari džanela o drumo e pravednikongoro; a o drumo e bilačhengoro ka propadinel.