O spasenie tano ko Devel

E Davideskoro Psalmi

(Koga našela sine taro plo čhavo o Avesalom)

¹Gospodar! Kobor but tane mle protivnikja, kobor but uštena protiv mande!

²But džene tane so kjerena lafi baši mi duša: „Nane baši leske spasenie ko Devel!“

³Sepak, Gospodar, Tu sijan mo štiti, mi slava, Tu vazdingjan mo šero.

⁴Glasoja vikingjum ko Gospodari, hem Ov šungja man tari Pli Sveto Gora.

⁵Me pašljovava, sovava, hem džangavgjovava, soske o Gospodari arakhela man.

⁶Na darava taro deš iljade manuša, so frdenape upra mande taro sa o strane.

⁷Ušti, O Gospodar, spasin man, O mo Devel! Tu khuveja len ko čhamija sa mle dušmanen, hem phageja lengere danda e bilačhengere.

⁸O spasenie tano ko Devel: To blagoslov tano upreder Tlo narodo.