Psalm 100
Sa o manuša te falinen e Devle
Pofalibaskoro psalmi.
1Vikin radosno Oleske e Gospodareske, celo phuv!
2Služinen Oleske e Gospodareske veselbaja! Aven anglo Leskoro muj radosno vikibaja!
3Džanen deka o Gospodari tano Devel: Ov sozdajngjamen, hem amen sijem Leskere, Leskoro narodo sijem hem bakhre taro Oleskoro pasište.
4Khuven blagodarnosteja ko Oleskoro udar; gilencar ko Oleskere dvojra; falinenle, slavinen Oleskoro anav!
5Soske o Gospodari tano gudlo, Oleskiri milost tani dovek, Oleskoro čačipa taro rodo ko rodo.