Blagodarna baši o Devel so izbavingja len

¹Koga o Gospodari iranela len sine o Sionska zarobenikja, sine amenge sar te phene ko suno dikhaja.

²Amaro muj sine pherdo asajbaja, a i čhib giljajbaja. Togaš maškar o narodia vakerelape sine: “O Gospodari kergja bare dejlja baši olenge!”

³O Gospodari kergja amenge bare dejlja: hem radujnkergja amen!

⁴Iran len, O Gospodar, amare zarobenikon, sar o pajna so thavdena ko Negev!

⁵Okola so sejnena asvencar, ka žnejnen gilencar.

⁶Rojbaja džana, ingarena o seme baši te sejnel pes: ama čače ka iranen pes gilencar hem ple snopia ka ingaren len so khedinge len ki kupa.