Gili taro Solomon

¹Ako o Gospodari na kjerela o kher, ko čučo trudinena pes o zidajra. Ako o Gospodari na arakhela i diz, ko čučo arakhela o čuvari.

²Džabe tano tumenge te ušten doborom rano, kasno pašljovena hem hanale o maro umorno; okolen koj Ov mangela len, olen dela len ko sojba.

³Ekje, o čhave tane nasledstvo taro Gospodari; Oleskiri nagrada tani o plodi andre ko vogi.

⁴I strelka ko vas e vojnikoske – odola tane o čhave e ternipaskere.

⁵Blagoslovimo tano o manuš koj olencar ka pherel pli torba; nae te ladžakjerelpe, koga ka kjerel lafi pe dušmaneja ko vudar.