Molitva baši pomoš

E Davideskoro Psalmi

(Koga o Filistejcia astargele ki diz Gat)

¹Muk To milost upri mande, mo Devel, soske o manuš mangela te gltinel man: okova koj mangela te napadinel man bizo te ačhol samo maltretirinela man.

²Mle dušmajna gazinena upri mande sekova dive; buti tale okola so marena pes protiv mande.

³Koga i dar astarela man, ki Tute ka nadinav man.

⁴E Devle me ka falinav hem Oleskoro Slovo; me ka nadinav man ko Devel hem nae te darav. So šaj te kerel mange jek obično manuš so ovda jek dive ka merel?

⁵Taro sabaj dži ki rat iranena naopaku me lafia; sa ola so razmislinena tano bilačhipa baši mange.

⁶Khedenape garavindor; pazinena mle korajkja, za da te len mi duša.

⁷Platin lenge sprema olengoro bilačhipe, O Devla! Holjaja pejljaker okolen so na verujnena ki Tute!

⁸Tu gejngjan mle dive so phirava sine sar našavdo, khedingjan mle asva ko Tlo čaro; nae li tano pišimo sa ko Tlo lil?

⁹Mle dušmajna ka cidenpe, štom ka vikinav Tut. Taro akava džanava deka o Devel tano baši mange!

¹⁰Slavinava e Devleskoro Slovo, slavinava e Gospodareskoro Slovo.

¹¹Nadinava man ko Devel hem nae te darav: so šaj te kerel mange o manuš?

¹²Phandena man o zavetia so kergjum len Tuke, O Devla; ka dav Tuke blagodarna žrtve,

¹³soske spasingjan mi duša taro meriba. Tu arakhljan me pre taro periba, za da te džav anglo Devel, ki svetlina e dživdengiri.