E Devleskiri Slava

E Davideskoro Psalmi

¹Gospodar, Devla amareja! Kobori tano veličestveno Tlo anav ki celo phuv; Tu vazdingjan Tli slava upreder o nebesia.

²Taro muj e tikne čhavengoro hem e tikne maksmengoro koj pijena pe dajendar thud, zacvrstingjan Tuke sila baši Tle dušmajna, za da te čhivelen te kjutinen: o dušmani hem o odmazdniko.

³Koga dikhava Tle nebesia, o delo Tle najengoro; i mesečina hem o čerejna so čhigjanlen:

⁴Soj tano o manuš za da te spomninetu baši leste? Ili o manušikano čhavo za da te posetinele?

O manuš tano venco taro javer so kjergja

⁵A Tu kjergjanle samo hari potele taro angejlja hem ovenčingjanle slavaja hem čest.

⁶Čhigjanle baši gospodari upreder o dejlja Tle vastengoro; hem sa čhigjan leske teleder o pre leskere:

⁷sa o bakhre hem o guruva, hem o polska dzvejra ko odova;

⁸o nebesna čiriklja hem o morska mačhe hem sa so nakhela e moreske ko drumia.

⁹Gospodar, Devla amareja! Kobori tano veličestveno Tlo anav ki celo phuv.