Sar valjani te oven o romnja hem o roma

¹Agjar hem tumenda, o džuvlja, oven pokorna tumare romenge, hem ako nekoj na pokorinelape e slovoske, te oven pridobime bizo slovo, e ponašajeja taro lengere romnja, ²koga ka dikhenle tumaro ponašaj ki dar hem čistota.

³Tumaro ukras te na ovel avrijaldan: ko pletiba o bala, ko čhiba zlato ili ko urajba razna šeja, ⁴nego: o garavdo manuš e srceskoro ko nepropadlivo ukras e krotko hem e mirno duhostar, soj tano baro vrednost anglo Devel. ⁵Soske agjar nekogaš ukrasinenape sine o sveta džuvlja, kola so nadinenapes sine ko Devel hem pokorinenape sine pe romenge, ⁶sar so sine i Sara poslušno e Avraameske, hem vikinelale sine gospodar: tumen sijen lakere čhia koga kjerena šukar, te na daran tari nisavi dar.

⁷Agjar hem tumenda, o roma, živinen šukar te hajljoven tumen tumare romnencar sar poslabo čaro, sikaven olenge počituvanje sar sonaslednikja tari blagodat e životoskiri, za da te oven tumare molitve bizo prečka.

Te ciden tumen taro bilačhipe

⁸Najposle, oven sarine složna ko misle, sočustvitelna, mangipe phralikano, milosrdna, ponizna, ⁹ma iranen bilačhipa bilačhipaske, ili navreda navredake, nego naprotiv, blagoslovinen, soske povikujme sijen odoleske, za da te nasledinen blagoslov. ¹⁰Soske

Cidena baši pravda

¹³Hem koj ka kjerel tumenge bilačhipe, ako džana palo šukaripe? ¹⁴A ako hem cidena baši pravda, oven blažena! ‘Ma daran, nitu ma voznemirinen tumen taro olengere zakane,’ ¹⁵nego osvetinenle ko tumaro srce e Hristo sar Gospodari, sekogaš spremna baši odgovor baši sekaske, koj rodelala i pričina tari nadež, koja tani ki tumende, ama so krotost hem daraja, ¹⁶te oveltumen šukar sovest, ta okola koj navredinena tumaro šukar ponašaj ko Hristos, te ladžan baši odova baši so klevetinena tumen. ¹⁷Soske tano pošukar, ako mangela e Devleskiri vojlja, te ciden kjeribaja šukar otkolku te kjeren bilačhe.

¹⁸Soske hem o Hristos mulo jek puti baši o grevia, Pravedno baši e nepravednonge, za da te ingarel amen ko Devel; čače, Ov, Koj sine mudardo ko telo, oživingja ko Duho; ¹⁹ki Leste, Ov gelo togaš, hem objavingja e duhonge soj tane ko phanlipa, ²⁰kola sine nepokorna nekogaš, koga e Devleskoro trpenie udžarelalen sine e Noeske ko vreme dži kote gradinelape sine o kovčeg, kote samo hari olendar, odnosno ovto duše spasingepe preku pani.

²¹Ki akaja slika odgovorinela, o krštevanje – kova nae tano otstraniba i telesno nečistotija, nego tano odgovor baši šukar sovest ko Devel - akana hem tumenda spasinela, preku voskresenie e Isuse Hristoskoro, ²²Koj tano desno taro Devel, otkoga gelo ko nebo, kote pokoringepe Leske o angejlja, hem o vlastia, hem o sile.