Podnesin sar šukar vojniko

¹Hem agjar, tu mo čhavo, ov panda pozoralo ki blagodat, koja tani ko Hristos Isus! ²Hem so šungjan mandar, anglo but svedokja, predajnle odova ko verna manuša, koj ka oven sposobna te sikaven hem e javeren!

³Podnesin mancar o cidiba, sar šukar vojniko e Hrista Isuseskoro! ⁴Nikoj, koj soj tano ki vojska te služinel, na mešinela pes ko bukja soj avrijal ko životo, za da te ugodinel okoleske so vikingjale te služinel ki vojska. ⁵Isto agjar, ako nekoj natprevarinelape, na dobinela venco ako na natprevarinelape sprema o pravila so trebela. ⁶O zemjodelco koj trudinela pes trebela prvo te probinel taro plodia. ⁷Hajljov so vakerava, o Gospodari ka del tut te hajljove sa.

⁸Stalno neka ovel tuke ki godi o Isus Hristos, Koj voskresningja taro mule, Koj tano taro e Davideskoro potomstvo, sprema mli poraka baši o Evangelie, ⁹baši kova cidava sa dži ko phanlipa, sar disavo bilačho manuš. Ama e Devleskoro slovo nae tano phanlo. ¹⁰Baši odova izdržinava sa baši o izbirime, ta hem olada te dobinen spasenie e večno slavaja ko Hristos Isus.

¹¹Čačikano tano o slovo:

Naš taro ternikane želbe

¹⁴Potsetin len hem najseriozno opomenin len anglo Devel, te na prepirinenpe baši disave lafia, soj nae tano ništo korisno, nego odoleja ruminena samo okolen so šunena.

¹⁵Trudin tut te sikave tut anglo Devel sar šukar rabotniko, koj na trebela te ladžal, koj pravilno propovedinela o slovo e čačipaskoro!

¹⁶A cide tut taro melale hem čuče lafia, soske asavke sa poviše ka ingaren tut ko bizodevlipa. ¹⁷A lengoro lafi širinelape sar rako; taro koj tane o Imenej hem o Filet, ¹⁸koj cidingepe dur taro čačipe, vakerena deka o voskresenie vekje ulo hem odoleja pejljarkerena i vera nekaskiri.

¹⁹Sepak cvrsto bešela e Devleskoro temeli, koj isile akava pečati: „O Gospodari pendžarela koj tane Leskere“ hem „Te cidelpe tari nepravda sekoj, koj spomninela e Gospodareskoro anav.“

²⁰A ko baro kher isi na samo zlatna hem srebrena čare nego hem kašteskere hem phuvjakere. Jek tane baši svečeno posebno dive, a javera baši sekova dive te upotrebinen. ²¹Hem agjar, ako nekoj očistingja pes taro asavke bukja, ka ovel čaro baši posebno dive svečeno te upotrebinel pes, osvetimo, korisno e domakineske hem spremimo baši sekova šukar delo.

²²Naš taro ternikane želbe! Dža pali pravda, vera, mangipe hem mir okolencar koj vikinena e Gospodare taro čisto srce.

²³Cide tut taro glupava hem taro čuče raspravije, džandipaja deka asavke bukja bijanena kavge. ²⁴A e Gospodareskoro sluga na smejnela te rasprajnel pes, nego trebela te ovel krotko ko sarine, sposobno te sikavel, hem te ovele trpenie; ²⁵te vospitinel len krotkipaja okola koj džana protiv, ta nebi li dela len o Devel pokajanie, baši celosno te pendžaren o čačipa, ²⁶za da te aven upra peste te oslobodinen pes tari mreža e bengeskiri, koj phanlja len za da te keren oleskiri vojlja.