Душа којај жедно баши о Девел

Е Давидескоро Псалми. Кога сине ки Јудејско пустина.

¹Девла, Ту сијан мо Девел, Тут родава Тут; баши Туке жеднонѓа ми душа. Баши Туке мо тело жедно родела Тут сар пусто пхув, бизо плоди хем бизо пани.

²Дикхава сине Тут ко светилиште, дикхиндор Ти слава хем Ти сила.

³То мангипе тано пошукар таро живото, ме вошта ка славинен Тут.

⁴Аѓаре ка благословинав Тут џи коте сијум џивдо, ко Тло анав ка ваздав ме васта.

⁵Ми душа ка овел чали сар таро кхил хем кхони, ка фалинав Тут радосно воштенцар.

⁶Сетинава ман баши Туке ки постела, размислинава баши Туке е раќакоро време.

⁷Ту уљан ми помош, радосно викинава ки сенка Тле пакенгири.

⁸Ми душа прилепинелапе ки Туте, Тло вас иќерела ман.

⁹Окола со гуринена ми душа ко пропаст, нека хулен хор теле ки пхув,

¹⁰нека хем овен предајме баши власт е маческири, нека овен хајба баши о лисице.

¹¹А о царо ка веселинелпе ко Девел; ка овел фалимо секој, кој делапе совли ки Лесте, соске ка овел пханло о муј ленгоро околенгоро со ваќерена ховајбе.