О Џивдо Бар хем о биримо народо

¹Хем аѓар, чхивен ки страна секова билачхипа хем секова ховајбе, дујмујалипа, завист, хем секоја клевета. ²Сар неве бијанде чхаве, копнинен пало чисто духовно тхуд е словоскоро, за да те бајрон преку лесте баши о спасение, ³ако вкусинген дека о Девели тано шукар.

⁴Пристапинен ки Лесте, о џивдо Бар, Кас со чаче о мануша отфрлингеле, ама Кој тано таро Девел биримо, хем скапоцено, ⁵та дозволинен коркори тумендар, сар џивде бара, те градинелпе духовно кхер, свето свештенство, за да те принесинен духовна жртве, колај тане пријатна е Девлеске, преку о Исус Христос. ⁶Соске пишинела ко Свето Писмо:

⁷Аѓар, баши туменге, кој со верујнена, Ови тано скапоцено; а баши окола кола со на верујнена,

⁸хем

ки која сопниненапе окола, кој тане непокорна е Словоске: соске тане хем определиме.

⁹А тумен сијен избиримо родо, царско свештенство, свето народо, народо придобимо, за да те прогласинен о славна дејља Околескере, Кој повикинѓа тумен тари темница ки Пли чудесно светлина, ¹⁰тумен кола некогаш на сијен сине народо, акана сијен Девлескоро народо, тумен кола некогаш на сијен сине помилујме, акана сијен помилујме.

¹¹Мангљален, молинава тумен: сар јабанџие хем привремена житејља те воздржинен тумен таро телесна желбе, соске ола војнена против и душа. ¹²Понашинен тумен шукар машкар о народо, аѓар со токму ко одова баши со клеветинена тумен сар мануша со ќерена билачхипа; упри основа ко тумаре шукар дејља кога ка дикхенлен те прославинен е Девле ко диве е посетакоро.

Те ова покорна баши о властиа

¹³Заради о Господари покоринен тумен баши секоја манушикани власт: било царoске, сар врховнинко, ¹⁴било управителенге, сар олескере пратениќа, за да те казниненлен околен билачхипе со ќерена, а те пофалиненлен околен кој ќерена шукар. ¹⁵Соске акавај тано е Девлескири војља, ќерибаја шукар те пханден о муја хем о биџандипа е бигоѓакере манушенгоро, ¹⁶сар слободна; хем на сар окола, кој употребинена и слобода, сар покрив е билачхипаске, него сар Девлескере слуге. ¹⁷Поштојнен саринен, манген о пхралипа, даран таро Девел, поштојненле е царо.

¹⁸Слуге, покоринен тумен ленге тумаре господаренге целосно дараја, хем на само е шукаренге хем е кротконге, него хем е неправеднонге. ¹⁹Соске одовај тано благодат, кога некој цидела неправедливо хем поднесинела муке, ха-три е Девлескоро. ²⁰Инаку зар би овела за пофалба, ако трпинена заслужими казна? Ама ако ќерена шукар, а сепак цидена, одовај тано вредно е Девлеске ко јајкха.

О Христос мукља пример

²¹Соске баши одова сијен повикујме, соске хем о Христос цидинѓа баши туменге, хем мукља туменге пример, за да те џан пало олескере стапке:

²³Ов Кој сине навредимо, на иранела сине навредаја; кога цидела сине на заканинелапе сине, него предајнѓапе Пес Околеске, Кој судинела праведно. ²⁴Ов коркори ко Пло тело легарѓа амаре гревиа ко каш, та амен, те ова муле баши о гревиа, те живина баши правда; преку Олескере ране исцелинген тумен.

²⁵Соске пхирена сине сар нашавде бакхре, ама акана иранген тумен ко Пастири хем о Чувари таро тумаре душе.