Е Давидескоро Псалми

¹Блажено тано о мануш кој на џала пали годи е билачхенгири, хем на терѓола ко друмо е грешниконгоро, хем на бешела ко тхан ко окола ки хајгара со лена;

²него и војља тани лескири е Господареске ко Закони хем баши Олескоро Закони размислинела диве хем и рат;

³ови тано сар каш садимо узо пани со накхела, со анела плоди ко пло време; олескере листиа никогаш на шуќона; са со ќерела, ко са успејнела.

⁴О билачхе нае тане асавке, ола тане сар шуке прачке таро гив, со и бавлал разнесинелален.

⁵Одолеске о билачхе нае те издржинен ко судо, ниту о грешниќа ко собрание е праведниконгоро.

⁶Соске о Господари џанела о друмо е праведниконгоро; а о друмо е билачхенгоро ка пропадинел.