¹Ваздава мле јајкха ко планине: котар ка авел манге ми помош?

²Мли помош тани таро Господари, Кој ќерѓа о небо хем и пхув.

³Ов нае те мукел те сопнинелпе тло про хем Ов нае те астареле дремка, тло Чувари.

⁴На, на дреминела хем на совела Ов, е Израелескоро Чувари.

⁵О Господари тано тло Со аракхелатут, о Господари тано тли сенка, ко тло десно вас.

⁶О кхам нае те ќерел туке штета дивеја, ни и месечина раќате.

⁷О Господари те аракхелтут таро секова билачхипе, те аракхел тли душа!

⁸О Господари те аракхел тло иклојбе хем иранибе, отакана хем заувек.