Е Девлескири Слава

Е Давидескоро Псалми

¹Господар, Девла амареја! Кобори тано величествено Тло анав ки цело пхув; Ту ваздинѓан Тли слава упредер о небесиа.

²Таро муј е тикне чхавенгоро хем е тикне максменгоро кој пијена пе дајендар тхуд, зацврстинѓан Туке сила баши Тле душмајна, за да те чхивелен те ќутинен: о душмани хем о одмазднико.

³Кога дикхава Тле небесиа, о дело Тле најенгоро; и месечина хем о черејна со чхиѓанлен:

⁴Сој тано о мануш за да те спомнинету баши лесте? Или о манушикано чхаво за да те посетинеле?

О мануш тано венцо таро јавер со ќерѓа

⁵А Ту ќерѓанле само хари потеле таро ангејља хем овенчинѓанле славаја хем чест.

⁶Чхиѓанле баши господари упредер о дејља Тле вастенгоро; хем са чхиѓан леске теледер о пре лескере:

⁷са о бакхре хем о гурува, хем о полска ѕвејра ко одова;

⁸о небесна чирикља хем о морска мачхе хем са со накхела е мореске ко друмиа.

⁹Господар, Девла амареја! Кобори тано величествено Тло анав ки цело пхув.