Молитва баши водиба хем заштита

Е Давидескоро Псалми

¹Ки Туте, Господар, ваздава мли душа.

²Ки Туте надинава ман, мо Девел; ма мук те лаџаќерав ман, за да ма те радујненпе упра манде мле душмајна.

³Чаче нае те лаџаќеренпе окола, кој надиненапе ки Туте; ка лаџаќеренпе окола, кој преваринена бизо причина.

⁴Сикавлен манге, Господар, Тле друмиа, сикав ман ко Тле друмиа!

⁵Водин ман ко Тло чачипе хем сикав ман, соске Ту сијан Девел мле спасениескоро; ки Туте надинава ман цело диве.

⁶Сетин Тут, Господар, баши Тло верност хем баши Тло мангипе, соске ола тале таро вечност.

⁷Ма сетин Тут баши о гревиа мле тернипаскере, баши мле престапиа; сетин Тут баши манде, о Господар! според Тло мангипе хем баши Тло гудлипе!

⁸О Господари тано гудло хем праведно: одолеске ка сикавел ленге о друмо е грешниконге.

⁹Ов водинела е кроткон ки правда, сикавелален е кроткон ко Пло друмо.

¹⁰Са е Господарескере друмиа тане милост хем чачипа, баши окола кој аракхена Олескоро завет хем Олескере сведоштвиа.

¹¹Господар, баши Тло анав, опростин мо грево, соске тано баро.

¹²Кој тано о мануш, кој дарала таро Господари? Оле, Ов ка сикавеле кова друмо те избиринел.

¹³Олескири душа ка живинел рахати, а лескоро семе ка наслединел и пхув.

¹⁴О Господари тано паше узо окола, кој дарана Олестар, хем ка сикавел оленге Пло завет.

¹⁵Мле јајкха тане секогаш спрема ко Господари, соске Ов циделален ме пре тари мрежа.

Молитва баши ослободиба

¹⁶Дик ман хем смилујн Тут манге, соске нане ман никој хем сијум ма-зми.

¹⁷О пхарипе ко мло срце бариле, икав ман таро мле јадиа!

¹⁸Дик мле невоље хем муке хем опростин са мле гревиа.

¹⁹Дик мле душманен: кобор тане бут хем саве баре мржнаја мрзинена ман.

²⁰Арак ми душа хем спасин ман: ма мук те лаџаќерав ман, соске надинава ман ки Туте.

²¹О невиност хем о поштенлуко нека пазинен ман, соске надинава ман ки Туте!

²²Господар, избавин е Израеле, таро са олескере невоље.