Покајбаскоро Псалми

Е Давидескоро Псалми. Сиклојбе.

¹Блажено тано окова, каскоро беззаконие тано простимо, хем каскере гревиа тане учхарде.

²Благо е манушеске каске о Господари на пишинела леске о грево хем каске ко духо нане ховајбе!

³Кога ќутинава сине, мле кокала шукиле таро мло офкиба преку цело диве.

⁴Диве хем и рат, Тло вас ќерела сине пхарипа упри манде, мле животоскоро влажност уло ки нилајескири суша.

⁵Тогаш признајнѓум мо грево англи Туте хем ми вина веќе на гараѓум. Ваќерѓум: „Ка признајнавле е Господареске мо престап,“ хем Ту опростинѓан ми вина таро мло грево.

⁶Одолеске нека молинелпес туке секова побожно мануш, кога шај те ове аракхло; хем тогаш о потоп е буте пајненгоро нае те ресел џи лесте.

⁷Ту сијан мо тхан гарајбаскоро, Ту ка аракхеман тари туга, Ту ка опкружинеман радостеја е спасениескоро.

⁸„Ка сикававтут, ка сикававле туке о друмо пало кова требела те џа, ка давту годи, ми јак ка дикхел увек упри туте.

⁹Ма овен сар грас, или мазга бизи годи; каскири дивина смиринејала дизгиненцар хем узде, инаку не би авен паше узи туте.

¹⁰Е безбожнико мучиненале бут невоље, а кој надинелапе ко Господари, оле милост опкружинелале.

¹¹Веселинен тумен ко Господари хем радујнен тумен, праведниќа, викинен радосно сарине кој сијен право срцеја.